Չինական ավտոդիլերները Ռուսաստանում փորձում են ազատվել կուտակված մեքենաներից

Ռուսաստանում չինական ավտոարտադրողների դիլերները սկսել են հաճախորդներին առաջարկել զգալի զեղչեր և վարկեր՝ 6-7 տոկոս տարեկան տոկոսադրույքով։ Ինչպես նշում է «Объединенное кредитное бюро»-ի ներկայացուցիչ Նիկոլայ Ֆիլիպովը, այս պայմանները գրեթե երեք անգամ ավելի շահավետ են, քան երկրի հիմնական տոկոսադրույքը։

Մարկետինգային այս քայլերի նպատակը շտապ կերպով ազատվելն է հարյուր հազարավոր չինական մեքենաներից, որոնք դեռ կուտակված են ռուսական պահեստներում։ Զեղչերը և մատչելի վարկերը արդեն արդյունք են տվել․ միայն հուլիսին ավտովարկերի թիվը աճել է 13 տոկոսով, իսկ ընդհանուր գումարը՝ 19 տոկոսով՝ հասնելով 158 միլիարդ ռուբլու։

Սպասարկման աճը պայմանավորված է նաև Կենտրոնական բանկի վերջին ամիսներին կատարած քայլերով․ հիմնական տոկոսադրույքը նվազեցվել է 21-ից մինչև 18 տոկոս, ինչի հետևանքով ավտովարկերի շուկայական տոկոսադրույքներն աստիճանաբար իջնում են։ Սակայն փորձագետները զգուշացնում են, որ ամբողջական վերականգնում սպասել դեռ վաղ է, քանի որ նոր մեքենաների բարձր գները շարունակում են խոչընդոտել զանգվածային պահանջարկին։