Ռուսաստանում նոր ծրագրերի ներդրումը ավտոդպրոցներում հետաձգվել է

Ռուսաստանի կրթության նախարարության նոր կարգադրությամբ ավտոդպրոցներում ծրագրերի թարմացումը տեղափոխվել է վեց ամսով։ Սկզբում փոփոխությունները նախատեսված էին ուժի մեջ մտնել 2025-ի սեպտեմբերի 1-ից, սակայն հին ծրագրերը կշարունակեն գործել մինչև 2026-ի մարտի 1-ը, փոխանցում է ՏԱՍՍ-ը։

Նոր ուսումնական ծրագրով նախատեսվում է ավելացնել վարորդական ժամերի քանակը, իսկ որոշ տեսական դասեր անցկացնել հեռավար ձևաչափով։ Բացի այդ, ծրագրից կհեռացվի «Կցորդով մեքենայի վարում» թեման, փոխարենը կավելացվի «վտանգավոր վարում», անհատական շարժունակության միջոցների օգտագործում, էլեկտրոնային փաստաթղթերի կիրառություն և արտացոլող շերտերով բաճկոնների պարտադիր կրում։

Վարորդական իրավունքի D կատեգորիա ստանալու համար (ավտոբուս) նոր կանոններով բավական կլինի անցնել վերապատրաստում, եթե թեկնածուն արդեն ունի փորձ՝ թեթև ավտոմեքենա կամ բեռնատար վարելու։