Ֆինլանդիայում բացահայտել են Ռուսաստանի հետ սահմանին ցանկապատի կառուցման մանրամասները

Ցանկապատը, որը Ֆինլանդիան կառուցում է Ռուսաստանի հետ սահմանին, կկառուցվի սահմանի գծին հնարավորինս մոտ։ Այս մասին հայտնել է Հյուսիսային Կարելիայի սահմանապահ ջոկատի հրամանատարի տեղակալ Միկկո Կալլինենը, նրա խոսքը մեջբերում է Iltalehti թերթը։

«Այդ ցանկապատը կառուցվելու է հնարավորինս մոտ Ռուսաստանի հետ սահմանին, որքան հնարավոր է։ Սահմանային ցանկապատը հագեցած կլինի դիտարկման տեխնոլոգիաներով, ինչպես նաև տեսախցիկներով և բարձրախոսներով», - հայտարարել է նա։

Կալինենի խոսքով՝ վայրի կենդանիները հաճախ են հատում սահմանը, սակայն տեսախցիկներն ունակ են տարբերակել մարդկանց և կենդանիներին, ուստի սահմանապահ ծառայությունները «չպետք է կեղծ նախազգուշացումներ ստանան սահմանը չարտոնված հատելու մասին»: