Ռուսաստանի միջազգային պահուստները կրկին աճել են

Ռուսաստանի միջազգային պահուստները օգոստոսի 15-ի դրությամբ հասել են 686,5 միլիարդ դոլարի։ Այս մասին տեղեկացնում է Ռուսաստանի Կենտրոնական բանկը։ Ընդամենը մեկ շաբաթ առաջ այդ ցուցանիշը կազմում էր 686,4 միլիարդ, ինչից հետևում է, որ պահուստները աճել են շուրջ 100 միլիոն դոլարով։

Միջազգային պահուստների մեջ ներառվում են արտարժութային միջոցները, ՄՎՖ-ում պահուստային դիրքերը, հատուկ փոխառության իրավունքները և դրամական ոսկին։ Հուլիսի վերջին Ռուսաստանը գրանցել էր պահուստների պատմական բարձր ցուցանիշ՝ 695,5 միլիարդ դոլար, սակայն դրանից հետո նկատվել էր 19 միլիարդանոց անկում՝ նվազեցնելով պահուստները մինչև 676,4 միլիարդ։

ԿԲ-ն այդ անկումը բացատրել էր «բացասական վերագնահատման» հետևանքով։ Սակայն արդեն երկրորդ շաբաթն է, ինչ պահուստները ցույց են տալիս դրական դինամիկա՝ վերադառնալով կայուն աճին և դուրս գալով ամառվա վերջի նվազման փուլից, փոխանցում է Лента.ру-ն։