Ոստիկանապետը ուշաթափվել է ելույթի ժամանակ (տեսանյութ)
Աշխարհ
Սլովակիայի ոստիկանության ղեկավար, գեներալ Յանա Մասկարովան կորցրել է գիտակցությունը մամուլի ասուլիսի ժամանակ, հաղորդում է «ՌԻԱ Նովոստի»-ի թղթակիցը։
Հինգշաբթի օրը Սլովակիայի ներքին գործերի նախարար Մատուշ Շուտայ-Էշտոկը և ոստիկանապետը մամուլի ասուլիս անցկացրեցին երկրում հեռախոսային և ինտերնետային խարդախությունների աճի վերաբերյալ: Միջոցառումը YouTube ալիքներով հեռարձակվել է սլովակյան լրատվամիջոցների կողմից: Բացման խոսքից հետո նախարարը խոսքը փոխանցեց ոստիկանապետին: Մասկարովան սկսեց խոսել, բայց շուտով բողոքեց, որ վատ է զգում:
Ոստիկանապետը չավարտեց խոսքը և սկսեց կորցնել գիտակցությունը։ Մոտակայքում կանգնած մարդիկ, այդ թվում՝ հանրապետության ներքին գործերի նախարարը, բռնել են նրան և զգուշորեն պառկեցրել գետնին։ Այնուհետև հեռարձակումը դադարեցվել է։
Կարճատև ընդմիջումից հետո մամուլի ասուլիսի հեռարձակումը վերսկսվելլ է, որի ժամանակ ոստիկանապետը նշել է, որ իր հետ ամեն ինչ կարգին է՝ հավելելով, որ վատառողջության պատճառը կարող էր լինել արյան ցածր ճնշումը։
ՈՒՂԻՂ ԵԹԵՐ
Ամենադիտված 
Գևորգը 3 երեխա ուներ, մի շաբաթ առաջ աղջկա հարսանիքն էր. Երևանում աներորդին մեքենան քշել է փեսայի վրա (տեսանյութ)
