ԵՄ-ի կողմից Ուկրաինային տրամադրվող օգնությունը փաստացի սառեցված է․ Բորել

Եվրամիության (ԵՄ) օգնությունը Ուկրաինային ներկայումս փաստացի սառեցված է, EUObserver-ին ասել է ԵՄ արտաքին գործերի և անվտանգության քաղաքականության նախկին գերագույն ներկայացուցիչ Ժոզեպ Բորելը։

«Իմ հեռանալուց հետո ԵՄ-ն Ուկրաինային ռազմական օգնություն չի տրամադրել։ Եվրոպական խաղաղության հիմնադրամում 6,6 միլիարդ եվրո է մնացել արգելափակված Հունգարիայի պատճառով։ Սա այս գործիքի վերջն էր։ Հիմա ամեն ինչ պետք է արվի երկկողմանի հիմունքներով», - նշել է եվրոպական դիվանագիտության նախկին ղեկավարը։