Եվրոպական փոստային օպերատորները դադարեցնում են ԱՄՆ-ից ծանրոցներ ընդունելը

Նորվեգիայի , Շվեդիայի և Բելգիայի փոստային օպերատորները ժամանակավորապես դադարեցնում են ԱՄՆ ուղարկվող ծանրոցների ընդունումը, հաղորդում է «Ինտերֆաքս»-ը։

Այս որոշումը ուժի մեջ կմտնի օգոստոսի 23-ին և կգործի մինչև նման բեռնափոխադրումների նկատմամբ կիրառվող մաքսային տուրքերի հետ կապված իրավիճակի պարզաբանումը։

Posten Bring-ի, PostNord-ի և bpost-ի կողմից հրապարակված հաղորդագրությունների համաձայն, որոշումը կայացվել է Միացյալ Նահանգներում արտոնյալ ռեժիմի չեղարկման հետ կապված,  որը նախատեսում էր մինչև 800 դոլար արժողությամբ ապրանքներ պարունակող ծանրոցների համար մաքսային տուրքերից ազատում։

Նոր կանոնները, որոնք ուժի մեջ են մտնում օգոստոսի 29-ին, պահանջում են, որ ուղարկողները վճարեն մաքսային տուրքեր նախքան ծանրոցի Միացյալ Նահանգներ հասնելը։