Ադրբեջանը պետք է պատրաստ լինի պատերազմի. Ալիև

Ադրբեջանը խաղաղություն է ուզում, բայց պետք է պատրաստ լինի պատերազմի ցանկացած պահի, քանի որ անհնար է կանխատեսել, թե ինչ կլինի վաղը։ Այսպիսի հայտարարություն է արել Ադրբեջանի նախագահ Իլհամ Ալիևը, փոխանցում է ՌԻԱ Նովոստին։

«Մենք պատերազմ չենք ուզում։ Մենք խաղաղություն ենք ուզում։ Բայց մենք պետք է ցանկացած պահի պատրաստ լինենք պատերազմի», - ասել է Ալիևը։

Ըստ Ալիևի՝ համաշխարհային գործընթացները կանխատեսելի չեն, ուստի ադրբեջանցիներն իրենք պետք է հոգ տանեն իրենց անվտանգության մասին՝ մնալով զգոն։ Բաքվում, նրա խոսքով, տեսնում են «սպառնալիքների հնարավոր աղբյուրներ» և ամրապնդում են իրենց ռազմական հզորությունը։

Նա հավելել է, որ Ադրբեջանը ստացել է ժամանակակից անօդաչու թռչող սարքեր, ինչպես նաև նոր հրետանային համակարգեր։ Բացի այդ, պայմանագրեր են կնքվել նոր մարտական ​​ինքնաթիռների համար, իսկ եղածները արդիականացվել են։