Ֆինլանդիան չի շտապում զինվորներ ուղարկել Ուկրաինա

Ֆինլանդիայի վարչապետ Պետերի Օրպոն չի շտապում խոստումներ տալ Ուկրաինա զանգվածաբար ֆին զինվորներ ուղարկելու մասին, հաղորդում է ՌԻԱ Նովոստին։

«Որոշումը պետք է կայացվի իրավիճակը վերլուծելուց հետո։ Անհրաժեշտ է հասկանալ, թե ինչպիսի գործողություն է դա լինելու, և ինչ կոնկրետ խնդիրներ է ունենալու, որից հետո որոշում կկայացվի Ֆինլանդիայի դերի մասին դրանում»,-ասել է նա։

Նախարարի խոսքով՝ Հելսինկին արդեն իրագործում է մի շարք համաձայնագրեր։ Օրինակ՝ ֆինները մասնակցում են ուկրաինացի զինվորականների վերապատրաստմանը։

Նա նշել է, որ Ֆինլանդիայի դերը չպետք է մոռանալ. երկիրը գտնվում է Ռուսաստանի հետ սահմանին և պատասխանատու է Եվրոպայի անվտանգության համար։