Հայտնի են դարձել ՆԱՏՕ-ի մասին Քլինթոնի և Պուտինի զրույցի մանրամասները

Լինելով ԱՄՆ նախագահ՝ Բիլ Քլինթոնը ռուս գործընկեր Վլադիմիր Պուտինին հավաստիացրել է՝ ՆԱՏՕ-ի ընդլայնումը դեպի արևելք չի սպառնում ՌԴ-ին: Նրանց զրույցի մանրամասները նշված են ամերիկյան կառավարության գաղտնազերծված փաստաթղթերում, հայտնում է National Security Archive-ը։

«ՆԱՏՕ-ի ընդլայնման գործընթացի հենց սկզբից ես գիտեի, որ դա կարող է խնդիր դառնալ Ռուսաստանի համար։ Ես ըմբռնումով եմ վերաբերել դրան և ցանկանում եմ, որ բոլորը հասկանան, որ ՆԱՏՕ-ի ընդլայնումը ոչ մի կերպ չի սպառնում Ռուսաստանին», - ասել էր Քլինթոնը։

Ամերիկացի առաջնորդն ընդգծել է՝ եթե «մեր իրավահաջորդները ուշադրությունը կենտրոնացնեն միմյանց վրա՝ որպես գլխավոր սպառնալիքի», ապա նրանք կկորցնեն այլ խնդիրներ համատեղ լուծելու հնարավորությունը: Սակայն, դատելով փաստաթղթերից ստացված տեղեկատվությունից, արդեն հաջորդ օրը Քլինթոնը շատ ավելի «պակաս անկեղծ էր այդ հարցում»։