ԱՄՆ Հետաքննությունների դաշնային բյուրոն ներխուժել է Բոլթոնի տուն

ԱՄՆ Հետաքննությունների դաշնային բյուրոյի գործակալները ներխուժել են Դոնալդ Թրամփի վարչակազմի նախկին ազգային անվտանգության խորհրդական Ջոն Բոլթոնի տուն։ Ինչպես հայտնում է The New York Post-ը, գործողությունը իրականացվել է Բեթեսդայում (Մերիլենդ) առավոտյան ժամը 07:00-ին։

Տեղեկությունների համաձայն՝ միջադեպը կապված է ազգային անվտանգության ոլորտում ընթացող քննության հետ։ Նշվում է, որ գործողության հրամանը տվել է ՀԴԲ-ի տնօրեն Քեշ Պատելը։ Քննությունը վերաբերում է գաղտնի փաստաթղթերին, որոնց գործը սկսվել էր մի քանի տարի առաջ։

Ամերիկյան բարձրաստիճան պաշտոնյան պնդում է, որ հետաքննությունը ժամանակին փակվել է Ջո Բայդենի վարչակազմի կողմից՝ «քաղաքական պատճառներով»։