«Госуслуги» կայքը ենթարկվել է արտասահմանյան հաքերային հարձակման

Ռուսաստանի թվային զարգացման նախարարությունը հայտնել է, որ «Գոսուսլուգի» պետական պորտալը դարձել է զանգվածային DDoS-հարձակման թիրախ։ Նշվում է, որ հարձակումը սկսվել է օգոստոսի 22-ին՝ ժամը 12:00-ին։

Նախարարության տեղեկացմամբ՝ մի շարք օգտատերեր բախվել են մուտքի խնդիրների, քանի որ համակարգը գործարկել է տրաֆիկի ֆիլտրացիա։ Միևնույն ժամանակ գերատեսչությունը վստահեցրել է, որ կիբերագրոհները հաջողությամբ կանխվում են, և պորտալը ներկայումս գործում է բնականոն ռեժիմով։

Ավելի վաղ օգտատերերը Downdetector.su կայքում ահազանգել էին «Госуслуги» աշխատանքի խափանումների մասին․ խնդիրներ էին առաջացել թե՛ կայքի բացման, թե՛ անձնական կաբինետի աշխատանքի ժամանակ։ Նշենք, որ օրերս խափանում էր գրանցվել նաև Google Meet ծառայությունում։