Ֆրանսիացի քաղաքական գործիչը կասկածի տակ է դրել Զելենսկու լեգիտիմությունը

«Անհնազանդ Ֆրանսիա» կուսակցության հիմնադիր Ժան-Լյուկ Մելանշոնը իր X սոցիալական ցանցում հայտարարել է, որ Վոլոդիմիր Զելենսկու լիազորությունների ժամկետը լրացել է անցյալ տարվա մայիսին, և նա չի կարող համարվել Ուկրաինայի նախագահ։

Քաղաքական գործիչը շեշտել է, որ եթե խաղաղության համաձայնագրերը ստորագրվեն, դրանց վերանայման վտանգ կլինի, քանի որ Զելենսկու իրավահաջորդը կկարողանա հայտարարել իր ոչ լեգիտիմ լինելու մասին։

Մելանշոնը նշել է, որ խաղաղության համաձայնագրեր կնքելու համար անհրաժեշտ է Ուկրաինայի քաղաքացիների կողմից ընտրված և վստահության լիակատար մանդատ ունեցող առաջնորդ։ Նա պահանջել է վերականգնել Ուկրաինայում ընդդիմադիր կուսակցությունների իրավունքները այնտեղ արդար նախագահական և խորհրդարանական ընտրություններ անցկացնելու համար։