Թրամփի այս քայլը սպառնում է Ռուսաստանին և Իրանին․ EI

Վաշինգտոնում Հայաստանի և Ադրբեջանի ղեկավարների կողմից ստորագրված հռչակագիրը մեծ նշանակություն ունի տարածաշրջանի համար, գրում է Energy Intelligence-ը։

ԱՄՆ-ի այս քայլը սպառնում Է Ռուսաստանի և Իրանի շահերին և ստեղծում է ուղեկցող ռիսկեր: Որոշ վերլուծաբաններ կասկածում են՝ Կասպից-Եվրոպա միջանցքի ընդլայնումն ու խորացումը սպառնում է փակուղի մտցնել Ռուսաստանի ջանքերը Բալթիկ ծովից մինչև Իրան և դրանից հետո անցնող «Հյուսիս-Հարավ» սեփական միջազգային տրանսպորտային միջանցքի զարգացման ուղղությամբ: Մեկ այլ վերլուծաբանի խոսքով՝ այն փաստը, որ «Թրամփի ուղին» Ռուսաստանին ոչ մի լավ բան չի խոստանում, անհերքելի է, բայց ավելի կարևոր է աշխարհաքաղաքական փոփոխությունների ավելի լայն ազդեցությունը Հարավային Կովկասում:

Մոլորություն կլիներ կարծել, որ դա ոչ մի ազդեցություն չի ունենա Հյուսիսային Կովկասի վրա։ Ադրբեջանի և Հայաստանի միջև տևական խաղաղությունն իր հերթին կարող է հանգեցնել Հայաստանի և Թուրքիայի միջև հարաբերությունների կարգավորմանը: Տարածաշրջանային այս գործընթացները զարգանում են Ադրբեջանի և Ռուսաստանի միջև հարաբերությունների վատթարացման ֆոնին, ինչը հետևանքներ է ունենում էներգետիկ ոլորտի համար։  ԱՄՆ-ի ավելի խորը մասնակցությունը Հարավային Կովկասի գործերին նույնպես անցանկալի նորություն է Իրանի համար։ Վերջինս մտահոգված է ոչ միայն իր սահմանին ԱՄՆ-ի կողմից վերահսկվող միջանցքի ստեղծման հեռանկարով, այլև Թուրքիայի և Ադրբեջանի ամրապնդվող դաշինքով, ինչպես նաև անվտանգության ոլորտում Իսրայելի հետ Բաքվի սերտ կապերով։