Եթե լինեն համոզիչ ապացույցներ, որ Ադրբեջանը գործել է մեր դեմ, այլ կերպ կպատասխանենք․ Լարիջանի

Եթե լինեն համոզիչ ապացույցներ, որ Ադրբեջանը գործել է մեր դեմ, այլ կերպ կպատասխանենք։ Նման հայտարարությամբ հանդես է եկել Իրանի ազգային անվտանգության բարձրագույն խորհրդի քարտուղար Ալի Լարիջանին, հայտնում է Khamenei.ir-ը:

«Մենք պետք է հենվենք հավաստի փաստերի վրա։ Ադրբեջանի կառավարությունը պնդում է հակառակը, սակայն մենք դեռ հիմքեր չունենք դրան չվստահելու։ Հաշվի առեք, որ Ադրբեջանը հարևան մահմեդական երկիր է, մշակութային առումով մեզ մոտ և բարեկամական։ Որոշ հարցերում կարող են տարաձայնություններ լինել, ինչպես և մյուս հարևանների հետ։ Մենք միշտ հաշվի ենք առնում այդ գործոնը։

Բարեկամությունը բարդ է. հնարավոր է ընկերներ լինել որոշ ոլորտներում, իսկ մյուսներում տարաձայնություններ ունենալ: Նույնիսկ խոշոր երկրները, ինչպես Ռուսաստանն ու Չինաստանը, կապեր ունեն Իսրայելի հետ, բայց մենք գործում ենք սեփական շահերից ելնելով»- ասել է Լարիջանին։ «Ադրբեջանը պաշտոնապես մեր դեմ գործողություններ չի ձեռնարկում, և մենք չունենք համոզիչ ապացույցներ։ Եթե երբևէ հայտնվեն, այլ կերպ կվարվենք, բայց առայժմ դրա համար հիմքեր չկան», - ասել է Լարիջանին։