Էրդողանի կինը նամակ է հղել Մելանյա Թրամփին

Թուրքիայի առաջին տիկին Էմինե Էրդողանը նամակ է հղել ԱՄՆ նախագահ Դոնալդ Թրամփի կնոջը՝ Մելանյա Թրամփին և կոչ արել օգնել Գազայի հատվածում սովից և ռմբակոծություններից մահացող երեխաներին, գրում է Anadolu-ն։

Գործակալության տվյալներով՝ Էմինե Էրդողանը իր անկեղծ հարգանքն է հայտնել Մելանյա Թրամփին և ասել, որ դեռևս հիշում է այն ջերմ ընդունելությունը, որ իրեն արժանացել են Սպիտակ տանը 2019 թվականին։

Թուրքիայի առաջին տիկինը նշել է, որ Մելանյա Թրամփի՝ վերջերս Ռուսաստանի նախագահ Վլադիմիր Պուտինին ուղղված նամակը խոսում է արդիական իրադարձությունների նկատմամբ ԱՄՆ առաջին տիկնոջ զգայունության մասին։

«Ես հավատում եմ, որ դուք կցուցաբերեք նույն զգայունությունը, որը ցուցաբերեցիք ուկրաինացի երեխաների նկատմամբ, և նույնիսկ ավելի մեծ զգայունություն Գազայի նկատմամբ, որտեղ վերջին երկու տարիների ընթացքում սպանվել է 62,000 անմեղ քաղաքացիական անձ, որոնցից 18,000-ը՝ երեխաներ», - նշել է Էմինեն։

Էրդողանի կինը շեշտել է, որ և՛ Ուկրաինայի, և՛ Պաղեստինի երեխաները արժանի են ուրախության, ազատության և արժանապատիվ ապագայի։

«Չափազանց կարևոր կլիներ, եթե դուք նամակ ուղարկեիք Իսրայելի վարչապետ Բենիամին Նեթանյահուին՝ Գազայում մարդասիրական ճգնաժամը դադարեցնելու ձեր հրատապ կոչով», - հայտարարել է Թուրքիայի առաջին տիկինը։

«Մենք դեռ հնարավորություն ունենք փրկելու Գազայից մեկ միլիոնից ավելի կենդանի մնացած երեխաների», - եզրափակել է Էմինե Էրդողանը։