Իսրայելի արտգործնախարարը առաջին պաշտոնական այցով մեկնել է ԱՄՆ
Աշխարհ
Իսրայելի արտաքին գործերի նախարար Գիդեոն Սաարը, իր պաշտոնավարումը սկսելուց հետո առաջին պաշտոնական այցով երեկ երեկոյան մեկնել է ԱՄՆ, հայտնում է Times of Israel-ը։
Սաարը չորեքշաբթի օրը Վաշինգտոնում՝ Պետդեպարտամենտում, հանդիպում կունենա ԱՄՆ պետքարտուղար Մարկո Ռուբիոյի հետ։ Սա նրանց երկրորդ հանդիպումն է՝ Ռուբիոյի՝ Իսրայել կատարած փետրվարյան այցից հետո։
Նա նաև կհանդիպի ԱՄՆ ներքին անվտանգության նախարար Քրիստի Նոեմի հետ, որը մայիսին այցելել էր Իսրայել՝ Յարոն Լիշինսկու և Սարա Միլգրիմի սպանությունից հետո։ Նրանք երկուսն էլ Իսրայելի դեսպանատան աշխատակիցներ էին Վաշինգտոնում։
Այցի ընթացքում Սաարը բանակցություններ կվարի Ամերիկայի խոշորագույն հրեական կազմակերպությունների նախագահների համաժողովի, AIPAC-ի ղեկավարության հետ և ընդունելություն կկազմակերպի հրեական համայնքի առաջնորդների ու Իսրայելի քրիստոնյա աջակիցների համար։
news.am
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
