Վիետնամում «Կաջիկի» թայֆունի պատճառով ավելի քան 586 000 մարդ է տարհանվել

Վիետնամի իշխանությունները հրահանգել են տարհանել ավելի քան 586 000 մարդու՝ «Կաջիկի» թայֆունի մոտենալու պատճառով, հաղորդում է BBC News-ը։

Ըստ օդերևութաբանների, փոթորիկն արդեն զարգացնում է 166 կմ/ժ արագությամբ քամի և, ինչպես սպասվում է, մինչև երկուշաբթի վաղ առավոտ՝ ցամաք դուրս գալուց առաջ, այն էլ ավելի կուժեղանա։

Կենտրոնական Թանհոա, Կուանգչի, Հյուե և Դանանգ նահանգների բնակիչներին հրահանգվել է լքել իրենց տները։

Չեղարկվել են ավիաչվերթերը, իսկ նավերին հրահանգվել է մնալ ափին։ Փոթորիկը շրջանցում է Չինաստանի Հայնան կղզին, որտեղ, ըստ ազգային օդերևութաբանական գործակալության, սպասվում է մինչև 320 մմ տեղումներ։ BBC-ն հաղորդում է, որ «Կաջիկի» թայֆունը, ինչպես կանխատեսվում է, կթուլանա՝ Վիետնամի խորքը շարժվելիս, սակայն այնուամենայնիվ կշարունակի մոլեգնել՝ քամու մինչև 200 կմ/ժ արագությամբ և 300–400 մմ տեղումների կանխատեսմամբ։ Սպասվում են նաև 2–4 մետր բարձրությամբ փոթորկալից ալիքներ։

Իշխանությունները նախազգուշացրել են այն տարածքների բնակիչներին, որոնք գտնվում են ենթադրյալ ուղու վրա, չլքել իրենց տները կիրակի օրը՝ ըստ Գրինվիչի ժամանակի՝ 14:00-ից հետո։ Օգնություն ցուցաբերելու համար զինվորներ են ուղարկվել։

news.am