Թրամփը շատ ագրեսիվ դիվանագիտություն է վարում և՛ Պուտինի և՛ Զելենկսու դեմ․ Վենս
Համաշխարհային Մամուլ
Նախագահ Թրամփը ագրեսիվ տնտեսական ճնշում է գործադրել, Հնդկաստանի դեմ երկրորդական սակագներ սահմանելով, որպեսզի ռուսների համար բարդացնեն իրենց նավթային տնտեսության հաշվին հարստանալու հնարավորությունը։ Այս մասին NBC News-ին տված հարցազրույցում հայտարարել է ԱՄՆ փոխնախագահ Վենսը։
«Թրամփը փորձել է հասկացնել` Ռուսաստանը կարող է կրկին հրավեր ստանալ Համաշխարհային տնտեսություն, եթե նրանք դադարեցնեն սպանությունները: Բայց նրանք կշարունակեն մնալ մեկուսացման մեջ, եթե չդադարեցնեն սպանությունները», - հայտարարել է Վենսը։ «Ի վերջո, մենք կամ հաջողության կհասնենք, կամ կմտնենք փակուղի։ Եվ եթե հայտնվենք փակուղում, ապա կշարունակենք բանակցությունների և ճնշումների կիրառման գործընթացը։ Դա ակտիվ դիվանագիտություն է, որը պետք է վերջ դնի այդ պատերազմին», - հայտարարել է ԱՄՆ փոխնախագահը։
Նա հավելել է՝ Ռուսաստանը «զգալի զիջումների» է գնացել Դոնալդ Թրամփին՝ Ուկրաինայում պատերազմը դադարեցնելու իր պահանջների մասով: Վենսի խոսքով՝ ԱՄՆ նախագահը «շատ ագրեսիվ, շատ եռանդուն դիվանագիտություն» է վարում ինչպես Մոսկվայի, այնպես էլ Կիևի հետ՝ պատերազմն ավարտելու համար՝ փորձելով փոխզիջումային լուծում գտնել:
ՈՒՂԻՂ ԵԹԵՐ
Ամենադիտված 
Ջուր չի լինի երկար ժամանակ․ հասցեներ
