Գերմանիան այլևս չի կարող ֆինանսավորել սոցիալական պետությունը․ Մերց

Գերմանիայի կանցլեր Ֆրիդրիխ Մերցը գերմանացիներին զգուշացրել է՝ Գերմանիայի իշխանություններն այլևս չեն կարող իրենց թույլ տալ ֆինանսավորել սոցիալական պետությունը: Նրա խոսքերն է փոխանցում The Telegraph-ը։

Նրա խոսքով՝ սոցիալական պետությունը ներկայիս տեսքով հնարավոր չէ ֆինանսավորել Գերմանական տնտեսության ճգնաժամային վիճակի պատճառով։ Կանցլերը կոչ է արել վերանայել նպաստների համակարգը, որի վրա 2024 թվականին ծախսվել է ռեկորդային 47 միլիարդ եվրո:

Թերթն ընդգծել է՝ 2017 թվականից ի վեր Գերմանիայի ՀՆԱ-ի աճը կազմել է ընդամենը 1,6 տոկոս, թեև ԵՄ-ում ընդհանուր առմամբ այդ ցուցանիշն ավելի բարձր է գրեթե վեց անգամ: Գերմանիայի տնտեսությունը նույնպես նվազում է արդեն երրորդ տարին անընդմեջ. երկրի ՀՆԱ-ն 2023 թվականին նվազել է 0,3 տոկոսով, 2024 թվականին՝ 0,2 տոկոսով, իսկ ընթացիկ տարում՝ 0,3 տոկոսով: