Արևի վրա՝ վերջին ամիսների ամենահզոր բռնկումը

Արևի վրա տեղի է ունեցել վերջին երկու ամսվա ամենահզոր բռնկումը․ Մ4․6 դասի պայթյունը գրանցվել է օգոստոսի 24-ին՝ մոսկովյան ժամանակով 08:24-ին։ Այս մասին հայտնել է ՌԴ Տիեզերական հետազոտությունների ինստիտուտի Սոլար աստղագիտության լաբորատորիան։

Աստղագետների խոսքով՝ բռնկումն առաջացել է արևային սկավառակի տեսանելի հատվածում հայտնված խոշոր ակտիվ կենտրոններից։ Թեև այն վտանգ չի ներկայացնում Երկրի համար, մասնագետները նշում են, որ այդ կենտրոններում պահպանվում է էներգիայի պաշար, որն ի վիճակի է առաջացնել առաջիկա ամիսների ամենաուժեղ պայթյունները։

Արևային բռնկումները հաճախ առաջացնում են մագնիսական փոթորիկներ, որոնք կարող են խաթարել էներգահամակարգերի աշխատանքը, ազդել թռչունների ու կենդանիների միգրացիոն ուղիների վրա, ինչպես նաև խափանել կապի և նավիգացիոն համակարգերը։ Միևնույն ժամանակ, նման ակտիվությունը կարող է ընդլայնել հյուսիսափայլի դիտման աշխարհագրությունը։