Հայաստանի ՀՆԱ-ի աճի մեջ հիմնական ներդրումը կատարել են տնտեսության երկու ճյուղեր․ Եվրասիական զարգացման բանկ

Հայաստանի ՀՆԱ-ն 2025 թվականի առաջին կիսամյակում աճել է 5.6%-ով։ Ամենամեծ ներդրումն ունեցել է ծառայությունների ոլորտը՝ ֆինանսական գործունեություն, տեղեկատվություն և հաղորդակցություն, ինչպես նաև շինարարություն (տարեկան աճը համապատասխանաբար կազմել է 17.3%, 18.3%, 7.2% և 20.8%)։

Այս մասին ասվում է Եվրասիական զարգացման բանկի զեկույցում։

Տնային տնտեսությունների սպառողական ծախսերը և ներդրումները պահանջարկի հիմնական շարժիչ ուժերն են եղել (համապատասխանաբար՝ 11.5% և 25.9% տարեկան աճ):

Զուտ արտահանումը չեզոք ազդեցություն է ունեցել․ 2025 թվականի առաջին կիսամյակում ապրանքների և ծառայությունների արտահանումը նվազել Է 43,7%-ով, ներմուծումը՝ 36,1%-ով:

Ընթացիկ տարում բանկը կանխատեսում է, որ տնտեսության աճի տեմպերը կմնան բարձր, իսկ ՀՆԱ-ն կավելանա 5,5%-ով: