Սևդալիզան արձագանքել է Հայաստանում իր ելույթի չեղարկմանը․ «Ոչ մի Աստված չի խոսում ատելությամբ»

Ինչպես արդեն հայտնել ենք, Սևդալիզան ելույթ չի ունենա Music Fest with Coca-Cola 2025-ի շրջանակում, քանի որ մի շարք օգտատերեր, բլոգերներ գրառումներ էին կատարել՝ պահանջելով փառատոնի կազմակերպիչներից չեղարկել երգչուհու ելույթը։

 Նրանց վրդովեցրել էր այն, որ իր «Մեսիա» երգի տեսահոլովակում երգչուհին «բացահայտ ծաղրում» է քրիստոնեական արժեքները։

Սևդալիզան Ինստագրամի իր էջի «սթորի» բաժնում րոպեներ առաջ հրապարակում է կատարել, որում ասված է․

«Թող անիծեն, քանզի խաղաղ հոգուն դիպչել հնարավոր չէ։

Նրանք դատապարտում են Աստծո անունով, բայց ոչ մի Աստված չի խոսում ատելությամբ։

Նրանց քննադատությունը վերաբերում է միայն իրենց»։