Հնդկաստանում ուղևորատար ինքնաթիռի կործանման պատճառը կարող էր դառնալ զուգարանից ջրի արտահոսքը. Mirror

Ամերիկացի փաստաբան Մայք Էնդրյուսը պնդում է, որ հրամանատար Սումիտ Սաբհարվալը և երկրորդ օդաչու Կլայվ Կունդերը, որոնք կատարել են վթարային վայրէջք, ինչի հետևանքով 242 ուղևորից միայն մեկը ողջ մնաց, կապ չեն ունեցել աղետի պատճառների հետ։ Ըստ նրա՝ պատահարը կարող էր լինել զուգարանից խմելու ջրի արտահոսքի հետևանքով առաջացած կարճ միացման պատճառով, որն էլ հանգեցրել է շարժիչների անջատմանը։

Էնդրյուսի խոսքով՝ չորս մարդ հայտնել են Boeing 787 Dreamliner ինքնաթիռի տեխնիկական և ինժեներական խնդիրների մասին։ Ներկայումս փաստաբանը, որը ներկայացնում է ավելի քան 90 տուժածների շահերը, ուսումնասիրում է արտադրողի դեմ բազմամիլիոնանոց հայց ներկայացնելու հնարավորությունը։

Նշվում է, որ աղետից ընդամենը մեկ ամիս առաջ ԱՄՆ քաղաքացիական ավիացիայի դաշնային վարչությունը (FAA) հրահանգ էր տարածել՝ զգուշացնելով Boeing-787-ի էլեկտրական համակարգերում ջրի արտահոսքի վտանգի մասին և պարտադրելով ստուգել խոնավությունից պաշտպանող համակարգերը։

Հիշեցնենք, որ հունիսի 12-ին Հնդկաստանում Air India-ի Boeing Dreamliner 787-8 ինքնաթիռի կործանումից հետո, երբ ուղևորանոցը ընկել էր բնակելի տան վրա, իշխանությունները ժամանակավորապես կասեցրել էին տվյալ մոդելի բոլոր թռիչքները։