Կալիֆոռնիայում կրկին մոլեգնում են անտառային հրդեհները

Անտառային հրդեհները հասել են ԱՄՆ-ի ամենահայտնի գինեգործական շրջան, որը գտնվում է Կալիֆոռնիա նահանգում: Այս մասին հայտնել է ABC հեռուստաալիքը:

Հրդեհները Նապա հովտում բռնկվել են օգոստոսի 21-ին, դրանց մակերեսը արդեն գնահատվում է գրեթե 2,8 հազար հեկտար: Հրդեհի արագ տարածմանը նպաստում է օգոստոսին ԱՄՆ-ի արևմտյան մասում հաստատված տաք և չոր եղանակը: Հրդեհի մարմանը մասնակցում է ավիացիան:

Տարածաշրջանում հայտարարվել է բնակչության մասնակի տարհանում: Զոհերի մասին տեղեկություններ չկան:

Նապա հովիտը հայտնի է իր բարձրորակ գինիներով 19-րդ դարից ի վեր։