Ռուսաստանի և ԱՄՆ-ի միջև ավիահաղորդակցությունը կարող է վերականգնվել

Ռուսաստանի Դաշնության առաջին փոխվարչապետ Դենիս Մանտուրովը չի բացառել Ռուսաստանի և ԱՄՆ-ի միջև ավիացիոն ոլորտում համագործակցության վերսկսումը։ Նա այս մասին ասել է ՏԱՍՍ-ին տված հարցազրույցում։

«Ավիացիոն ոլորտում համագործակցության վերսկսումը չի բացառվում։ Բայց թե որ մասով և ինչ ձևաչափերով, դեռ վաղ է դրա մասին խոսել», - ասել է Մանտուրովը։

Վաշինգտոնում Ռուսաստանի դեսպան Ալեքսանդր Դարչիևն ավելի վաղ հայտարարել է, որ Ռուսաստանի Դաշնությունը պատրաստել է փաստաթղթեր ԱՄՆ-ի հետ օդային երթևեկությունը վերականգնելու համար։ Մոսկվայի առաջարկած տարբերակները քննարկվում են ամերիկյան կողմի հետ։