Ավստրալիայի լողափերում առեղծվածային գնդակներ են հայտնվել

Ավստրալիայի Նոր Հարավային Ուելս նահանգի ափին տարօրինակ մոխրագույն գնդիկներ են հայտնաբերվել, հաղորդում է The Guardian-ը։

«Պաշտոնյաները զգուշացնում են բնակիչներին չդիպչել խորհրդավոր գնդիկներին և խուսափել այն լողափերից, որտեղ դրանք հայտնվում են», - նշվում է հաղորդագրության մեջ։

Չնայած լողափերի մաքրմանը՝ պարզ չէ, թե արդյոք գնդիկները կապված են հունվարին Սիդնեյի ափին հայտնաբերված նմանատիպ նյութի հետ։

Նահանգի շրջակա միջավայրի պաշտպանության վարչության տվյալներով՝ գնդիկները պարունակում են E. coli, ճարպաթթուներ և ածխաջրածիններ։ Քննությունը նաև հայտնաբերել է ծակոտկեն հրաբխային ապակու հետքեր որոշ խորհրդավոր առարկաներում։

Կարծիք կա, որ գնդիկները կարող էին օվկիանոս հասնել կոյուղու համակարգի անսարքության պատճառով։ Սիդնեյի կեղտաջրերը կայաններում ենթարկվում են միայն «առաջնային» մաքրման, ապա թափվում են ծով՝ ափից 2-4 կմ հեռավորության վրա գտնվող «խորջրյա» արտահոսքերի միջոցով։