Իլոն Մասկը Microsoft-ի մրցակից է ստեղծել՝ Macrohard անվանումով

Միացյալ Նահանգներում xAI ընկերությունը հայտ է ներկայացրել Macrohard ապրանքանիշը գրանցելու համար, որը կդառնա արհեստական ​​բանականության վրա հիմնված ծրագրային ապահովման մշակման նոր ստորաբաժանման անվանումը։ Իլոն Մասկը այս մասին հայտարարել է X սոցիալական ցանցի իր էջում։

xAI-ի հիմնադիր Իլոն Մասկը նշել է, որ Macrohard-ը ստեղծվում է՝ որպես ավանդական ծրագրային ապահովման մշակողների այլընտրանք։ Նրա խոսքով՝ Microsoft-ի նման ընկերությունները չեն արտադրում սարքավորումներ, և նրանց արտադրանքը կարող է ամբողջությամբ փոխարինվել արհեստական ​​բանականության լուծումներով։

Հայտի համաձայն՝ Macrohard-ը մասնագիտանալու է ծրագրային ապահովման և ամպային ծառայությունների թողարկման մեջ՝ մարդկային մտածողությունը ընդօրինակող արհեստական ​​բանականության գործակալների աջակցությամբ։ Ուղղությունների ցանկում ներառված են նաև խոսքի և տեքստի ստեղծման լուծումներ։

ԱՄՆ-ում ապրանքանիշի գրանցման հայտը ներկայացվել է 2025 թվականի օգոստոսի 1-ին։