Իրանը և Թուրքիան հանդես են եկել տարածաշրջանային ավելի սերտ համագործակցության օգտին

Իրանի ԱԳ նախարար Աբբաս Արաղչին հանդիպում է ունեցել Թուրքիայի ԱԳ նախարար Հաքան Ֆիդանի հետ, հաղորդում է Tasnim-ը:

Արաղչին կոչ է արել ամրապնդել իսլամական աշխարհի հավաքական ներուժը՝ իսրայելական ռեժիմի էքսպանսիոնիստական ծրագրերին հակազդելու և պաղեստինցիներին պաշտպանելու համար: Նախարարները քննարկել են նաև Թեհրանի և Անկարայի միջև երկկողմ հարաբերությունների վերջին զարգացումները: Նրանք նաև կարևորել են համագործակցության ընդլայնումը առևտուրի, էներգետիկայի, տրանսպորտի, սահմանների անվտանգության և տարածաշրջանային փոխանակումների ոլորտներում:

Արաղչին և Ֆիդանը կարևորել են իրանա-թուրքական հարաբերությունների բարձրագույն խորհրդի հրավիրումը՝ որպես երկկողմ կապերի խորացման գործնական քայլ: Նրանք նաև կոչ են արել շարունակել խորհրդակցությունները և ավելի սերտ տարածաշրջանային և միջազգային համագործակցություն՝ հիմնված փոխադարձ հարգանքի, բարիդրացիության և ընդհանուր շահերի վրա: