Թրամփը կարող է առաջարկել էներգետիկ գործարքներ Ռուսաստանի հետ՝ Ուկրաինայի պատերազմի դադարեցման համար

Reuters-ի տեղեկություններով՝ Վաշինգտոնը պատրաստ է Մոսկվային առաջարկել մի շարք էներգետիկ գործարքներ՝ փորձելով համոզել Կրեմլին դադարեցնել ռազմական գործողությունները Ուկրաինայում։ Աղբյուրների փոխանցմամբ, քննարկումները արդեն ընթացել են օգոստոսին՝ ԱՄՆ և Ռուսաստանի պաշտոնյաների միջև։

Մասնավորապես խոսք է գնացել ամերիկյան Exxon Mobil-ի հնարավոր վերադարձի մասին ռուսական «Սախալին-1» նավթագազային նախագծում։ Բացի այդ, քննարկվել է Ռուսաստանի համար ամերիկյան սարքավորումների ձեռքբերման տարբերակը՝ հեղուկ բնական գազի ծրագրերի համար, այդ թվում՝ «Արկտիկ СПГ-2»-ի, որը ներկայումս արևմտյան պատժամիջոցների տակ է։ Նշվել է նաև, որ ԱՄՆ-ը կարող է դիտարկել Ռուսաստանի կողմից ատոմային սառցահատների վաճառքի հարցը։

Ըստ գործակալության, Վաշինգտոնի ռազմավարությունը միտված է նրան, որ Մոսկվան նախընտրի ամերիկյան, այլ ոչ թե չինական տեխնոլոգիաներ։ Սա համարվում է Դոնալդ Տրամփի ավելի լայն քաղաքական գծի մաս՝ Ռուսաստանի և Չինաստանի հարաբերությունների թուլացման և Մոսկվայի աստիճանական հեռացման ուղղությամբ։