Թրամփը վերցրել է օտարերկրյա առաջնորդի գրիչը

ԱՄՆ նախագահ Դոնալդ Թրամփը Սպիտակ տանը կայացած հանդիպման ժամանակ գնահատել Է Հարավային Կորեայի նախագահ Լի Չժե Մենի գրիչը և այն նվեր ստացել: Այս մասին հայտնում է հարավկորեական Hunkyung թերթը։

«Այն բանից հետո, երբ Թրամփը բազմիցս հայտնել է իր հետաքրքրությունը՝ ասելով. «Ինձ դուր է գալիս այս գրիչը», նախագահն այն անվանել է «պատիվ» և հանձնել Թրամփին», - գրում է պարբերականը: Հարավային Կորեայի առաջնորդի վարչակազմի ներկայացուցիչը նշել է, որ գրիչը ձեռքով է պատրաստվել հատուկ նախագահի համար, որպեսզի նա կարողանա ստորագրել պաշտոնական միջոցառումների ժամանակ, և այն չեն նախատեսել նվիրել:

Հաղորդվում է նաև, որ Սպիտակ տանը կայացած հանդիպումից հետո հարավկորեական «ՄՈՆԱՄԻ» gրենական պիտույքներ արտադրող ընկերության բաժնետոմսերի արժեքն աճել է 23 տոկոսով: Սակայն ընկերության ներկայացուցիչն ավելի ուշ թերթին հայտնել է, որ Թրամփի կողմից նվեր ստացած գրիչն իրենք չեն պատրաստել։