Samsung և Xiaomi կսկսեն տեղադրել ռուսական Max մեսենջերը

ТАСС-ի տեղեկություններով՝ առաջիկա ամիսներին Samsung, ինչպես նաև չինական խոշոր բրենդները՝ Xiaomi, Honor, Huawei, Tecno և Infinix, կհամաձայնեն իրենց սմարթֆոններում ներդնել ռուսական Max մեսենջերը։

Աղբյուրները նշում են, որ այս ծրագրի իրագործման երկու տարբերակ է քննարկվում․ մեսենջերը կհայտնվի որպես օպերացիոն համակարգի թարմացում կամ էլ առաջարկ կթռնի էկրանին, երբ սարքում տեղադրվի ռուսական SIM քարտ։ Ըստ պլանի՝ սեպտեմբերի 1-ից Max-ը պետք է հասանելի լինի բոլոր Ռուսաստանում վաճառվող սմարթֆոններում։

Max-ը համարվում է բազմաֆունկցիոնալ հարթակ․ այն ներառում է չատեր, աուդիո և վիդեո զանգեր, ձայնային հաղորդագրություններ, ինչպես նաև դրամական փոխանցումների հնարավորություն։ Վերջին շրջանում հավելվածում գործարկել է նաև Կիբերանվտանգության կենտրոնի ալիքը, որը կօգնի օգտատերերին բարձրացնել իրենց թվային գրագիտությունը։