Կանադան և ԵՄ-ն քննարկում են նոր ֆինանսական պատժամիջոցներ Ռուսաստանի դեմ

Կանադայի վարչապետ Մարկ Կարնին հայտարարել է, որ Օտտավան և Եվրամիությունը քննարկում են Ռուսաստանի դեմ ֆինանսական ոլորտում նոր սահմանափակումներ՝ ԵՄ 19-րդ պատժամիջոցների փաթեթին զուգահեռ։ Նրա խոսքերը հնչել են Գերմանիայի կանցլեր Ֆրիդրիխ Մերցի հետ համատեղ մամուլի ասուլիսում, որը հեռարձակել է Reuters-ը։

Կարնին նշել է, որ Արևմուտքը պետք է շարունակաբար համատեղի Մոսկվայի դեմ պատժամիջոցային ճնշումը և Կիևին տրամադրվող ռազմական աջակցությունը՝ միաժամանակ պահպանելով բանակցային գործընթացը։ Վարչապետը նաև ընդգծել է, որ Վլադիմիր Պուտինի և Վլադիմիր Զելենսկու հանդիպումը կարող է դառնալ կարևոր քայլ հակամարտության կարգավորման ուղղությամբ։

Հիշեցնենք, որ ավելի վաղ Մերցը զգուշացրել էր՝ եթե Պուտին-Զելենսկի հանդիպումը չկայանա, ԵՄ-ն պատրաստ է նոր, ավելի խիստ պատժամիջոցների։ Ըստ նրա՝ այդ հանդիպումը հնարավոր է կազմակերպվի առաջիկա երկու շաբաթում։