Գիտնականները հայտնաբերել են ուղեղի ծերացումը դանդաղեցնելու նոր մեխանիզմ

Ամերիկացի գիտնականները պարզել են, որ ուղեղում երկաթի փոխանակության հետ կապված FTL1 սպիտակուցի կուտակումը արագացնում է հիշողության և ուսուցման հետ կապված տարիքային անկումը։ Ուսումնասիրությունը հրապարակվել է Nature Aging ամսագրում։

Փորձերի ընթացքում պարզվել է, որ տարեց մկների հիպոկամպում այս սպիտակուցի մակարդակը զգալիորեն բարձր էր, քան երիտասարդների մոտ։ Ավելացված FTL1-ը խաթարել է նեյրոնների աշխատանքը, նվազեցրել սինապսների ճկունությունը և հիշողությունը բերել «ծերունական» ձևի։ Իսկ դրա նվազեցումը, հակառակը, վերականգնել է սինապսների գործունեությունը և բարելավել հիշողությունը։

Մոլեկուլային վերլուծությունը ցույց է տվել, որ FTL1-ը խանգարում է նեյրոնների էներգետիկ գործընթացներին, մասնավորապես՝ ԱՏՖ-ի սինթեզին։ Լաբորատոր պայմաններում լրացուցիչ NADH կիրառումը մասնակիորեն վերականգնել է մետաբոլիկ և կոգնիտիվ ֆունկցիաները։ Հեղինակները ընդգծում են, որ եթե արդյունքները հաստատվեն մարդկանց վրա, դա կարող է դառնալ դեմենցիայի և հիշողության տարիքային անկման կանխարգելման նոր ուղղություն։