Պուտինը երկարացրել է Բաստրիկինի պաշտոնավարման ժամկետը

Ռուսաստանի նախագահ Վլադիմիր Պուտինը մեկ տարով երկարացրել է Ալեքսանդր Բաստրիկինի լիազորությունները՝ որպես ՌԴ Քննչական կոմիտեի (СКР) նախագահ։ Այս մասին տեղեկացնում է «Коммерсантъ»-ը։

Ըստ հրապարակման՝ Բաստրիկինի պաշտոնավարումը կշարունակվի մինչև 2026 թվականի օգոստոսը։ Նա ղեկավարում է քննչական գերատեսչությունը դեռևս 2011 թվականից։ Վերջին տարիներին տարբեր լրատվամիջոցներ նրան հիշատակել էին որպես հավանական թեկնածու Ռուսաստանի Գերագույն դատարանի նախագահի պաշտոնի համար։

Նշենք, որ օգոստոսի 26-ին հայտնի դարձավ՝ Գերագույն դատարանի ղեկավարի պաշտոնի միակ թեկնածուն դարձել է գլխավոր դատախազ Իգոր Կրասնովը։