«АвтоВАЗ» կթողարկի մինչև 4 հազար Lada Iskra Սանկտ Պետերբուրգում

Մինչև 2025 թվականի ավարտը նախկին Nissan-ի գործարանում Սանկտ Պետերբուրգում նախատեսվում է արտադրել մինչև 4 հազար Lada Iskra մոդելի ավտոմեքենա։ Այս մասին հայտնում են «Известия»-ն՝ հղում անելով «АвтоВАЗ» ընկերությանը։

Ըստ ընկերության՝ «АвтоВАЗ»-ը և «Автозавод Санкт-Петербург»-ը արդեն հասել են սերիական արտադրության նախապատրաստական աշխատանքների վերջնափուլին։ Սերիական հավաքման համար անհրաժեշտ կոմպլեկտները գործարան կսկսեն մատակարարվել հաջորդ ամսվա սկզբին։ Նշվում է, որ Տոլյատիում և Սանկտ Պետերբուրգում հավաքված մեքենաները տեխնիկապես և դիզայնով նույնական կլինեն։

Ավելի վաղ հայտարարվել էր, որ Iskra Comfort բազային սեդանը կարժենա 1 249 000 ռուբլի, Life տարբերակը՝ 1 319 000 ռուբլի, իսկ ամենաթանկ Enjoy մոդելը կսկսվի 1 439 000 ռուբլուց։ Վերջինիս համար գնորդներին խոստացվում է կրուիզ-կոնտրոլ, ազդանշանային համակարգ և LADA Enjoy Evo մուլտիմեդիա։