Գիտնականները բացահայտել են ծխելու հակասական ազդեցությունը
Գիտություն և Մշակույթ
Չնայած ծխախոտը համարվում է առողջության համար բացարձակապես վնասակար, նոր հետազոտությունը ցույց է տվել՝ դրա ազդեցությունը օրգանիզմի վրա ավելի բարդ է։ Չինացի գիտնականները վերլուծել են ավելի քան 2,5 հազար մարդու միկրոբիոտան և նյութափոխանակությունը՝ համեմատելով Քրոնի հիվանդությամբ և խոցային կոլիտով հիվանդներին։ Արդյունքները հրապարակվել են Gut գիտական ամսագրում։
Պարզվել է, որ խոցային կոլիտով տառապող ծխող հիվանդների մոտ հայտնաբերվել են ավելի բարձր մակարդակի կարճաշղթա ճարպաթթուներ և որոշ բուրավետ միացություններ, ինչպես նաև բերանի խոռոչի որոշ բակտերիաներ։ Փորձերը մկների վրա ցույց են տվել, որ դրանցից մեկը՝ Streptococcus mitis-ը, կարող է նվազեցնել բորբոքումը խոցային կոլիտի դեպքում, բայց ուժեղացնել այն Քրոնի հիվանդության ժամանակ։
Հետազոտությունը բացատրում է, թե ինչու է որոշ հիվանդների մոտ խոցային կոլիտը սրանում այն բանից հետո, երբ նրանք դադարում են ծխել։ Միևնույն ժամանակ գիտնականները շեշտում են՝ սա չի նշանակում, թե ծխախոտը օգտակար է․ նրա վնասակարությունը ապացուցված է, բայց միկրոբիոտայի և իմունային համակարգի վրա ազդեցության այս բացահայտումները կարող են օգնել գտնել նոր բուժման մեթոդներ առանց նիկոտինի հետ կապված ռիսկերի։
ՈՒՂԻՂ ԵԹԵՐ
Ամենադիտված 
Թրամփը նշել է «աշխարհի մեծագույն առաջնորդներից» երկուսի անունները
