Էստոնիան մեղադրել է Ռուսաստանին

Էստոնիայում կործանված մարտական ​​անօդաչու թռչող սարքը շեղվել է իր ուղղությունից՝ Բալթյան տարածաշրջանում ռուսական էլեկտրոնային միջամտության պատճառով, հաղորդում է Bloomberg-ը՝ հղում անելով էստոնացի պաշտոնյաներին։

Երկուշաբթի կեսօրին Էստոնիայի հարավում գտնվող գյուղատնտեսական հողերում հայտնաբերվել են պայթած անօդաչու թռչող սարքի մնացորդները, որը, ամենայն հավանականությամբ, ուկրաինական էր։

Էստոնիայի պաշտոնյաները հայտարարել են, որ անօդաչու թռչող սարքը, հնարավոր է, օգտագործվել է Ուկրաինայի կողմից կիրակի օրը Լենինգրադի մարզի ռուսական Ուստ-Լուգա նավահանգստի վրա հարձակման ժամանակ։