Հուսով եմ՝ Իրանը ստացել է այն, ինչի արժանի է․ Ադրբեջանում Իսրայելի դեսպան

12-օրյա պատերազմը բռնի ուժով պարտադրվեց Իսրայելին, քանզի իրանական ռեժիմի կոչերը՝ ոչնչացնելու մեզ, այլ ելք չէր թողնում։ Հայտարարել է Ադրբեջանում Իսրայելի նորանշանակ դեսպան Ռոնեն Կրաուսը, փոխանցում է APA-ն:

«Լսելով Իրանի առաջնորդների բազմաթիվ սպառնալիքները՝ Իսրայելը ոչնչացնելու մասին, մենք չէինք կարող հանդուրժել և պետք է պատասխանատվություն ստանձնեինք։ Հուսով եմ՝ Իրանը ստացել է այն, ինչի արժանի է: Եթե նրանք սովորել են իրենց դասը, դա հիանալի է: Ցավոք, մենք տեսնում ենք՝ Իրանը շարունակում է աջակցել իր վստահված անձանց՝ «Հեզբոլլահին» և ՀԱՄԱՍ-ին։ Նրանք շարունակում են հարձակվել Իսրայելի վրա, ուտսիօ մենք ստիպված ենք պատասխանել: Նրանք դա չեն անում ինքնուրույն, այլ կատարում են Իրանի հրահանգները։ Հութիները օգտագործում են Իրանի հնարավորությունները, իսկ Եմենը մեր դեմ կիրառում է իրանական հրթիռներ», - հայտարարել է դեսպանը։

Դիվանագետը նշել է՝ Իսրայելը «չի կարող հանդուրժել իր ինքնիշխանության և անվտանգության սպառնալիքները»: «Քանի դեռ սպառնալիք չկա, Իսրայելը չի ծրագրում որևէ մեկի վրա հարձակվել։ Մենք ուզում ենք խաղաղ ապրել», - հայտարարել է Կրաուսը։