Մեծ Բրիտանիայում հրեական համայնքի վրա հարձակումներ են տեղի ունեցել

Մեծ Բրիտանիայի հարավային Բորնմութ քաղաքում հրեական համայնքի վրա մի շարք հարձակումներ են տեղի ունեցել, որի արդյունքում` մեկ դեռահաս վիրավորվել է պնևմատիկ ատրճանակից։ Այս մասին հաղորդում է Telegraph թերթը՝ հղում անելով Դորսեթի ոստիկանությանը։

Հաղորդվում է, որ միջադեպերից մեկը տեղի է ունեցել շաբաթ օրը՝ օգոստոսի 23-ին։

«Երկու մարդ քայլում էին Բորնմութի Մեյնոր Ռոուդով, երբ վարորդը կանգ է առել և վիրավորանքներ է հասցրել նրանց։ Հաղորդվում է, որ նրանցից մեկի՝ դեռահասի վրա, հետագայում կրակել են պնևմատիկ ատրճանակից», - ասվում է հոդվածում։

Հարձակման հետևանքով՝ տղան գլխի վնասվածք է ստացել։ Տեղի բնակիչները նաև նշել են, որ անհայտ անձինք համայնքի ներկայացուցիչների տների վրա «սվաստիկաներ» են նկարել։ Նշվում է, որ տեղական ոստիկանությունը հետաքննություն է սկսել միջադեպի վերաբերյալ։