Ռուսաստանում կինը դատապարտվել է հինգ տարվա ազատազրկման Պուտինի մասին մեկնաբանությունների համար

ՌԴ Չիտայի (Զաբայկալյան երկրամաս) ռազմական դատարանը տեղի բնակչուհուն դատապարտել է հինգ տարվա ազատազրկման ընդհանուր ռեժիմի ուղղիչ գաղութում՝ ահաբեկչությունը արդարացնելու և Ռուսաստանի նախագահ Վլադիմիր Պուտինի դեմ մահափորձի կոչ անելու համար: Այս մասին հայտնել է Ռուսաստանի ԱԴԾ տարածաշրջանային վարչության մամուլի ծառայությունը, հաղորդում է ՏԱՍՍ-ը:

«Արևելյան շրջանի 2-րդ ռազմական դատարանը դատապարտել է 1968 թվականին ծնված տեղի բնակչուհուն, որը ներգրավված է եղել ահաբեկչական գործունեության հրապարակային կոչերում և ահաբեկչության հրապարակային արդարացման մեջ», - ասվում է հաղորդագրության մեջ:

Դատարանի տվյալներով՝ մեղադրյալը Telegram-ում հրապարակել է հաղորդագրություններ, որոնց բովանդակությունը արդարացրել է ուկրաինական հատուկ ծառայությունների «ահաբեկչական» գործունեությունը: Մասնավորապես, խոսքը վերաբերում է Ղրիմի կամրջի վրա ահաբեկչական հարձակման աջակցությանը և Ռուսաստանի նախագահի դեմ մահափորձի կոչերին:

Նշվում է, որ այս պահին դատավճիռը դեռևս ուժի մեջ չի մտել: