Բրազիլիայի նախագահը հայտարարել է` ռուս-ուկրաինական պատերազմը շուտով կավարտվի

Ուկրաինայում զինված հակամարտությունը մոտենում է ավարտին։ Այսպիսի կարծիք է հայտնել Բրազիլիայի նախագահ Լուիս Ինասիո Լուլա դա Սիլվան կառավարության նիստի ժամանակ, հաղորդում է Veja-ն։

Նրա խոսքով՝ հակամարտության երկու կողմերն էլ գիտակցում են ռազմական գործողությունները շարունակելու իրենց կարողությունների սահմանները։ Բրազիլիայի առաջնորդը շեշտել է, որ սա վերաբերում է և՛ Եվրոպային, և՛ ԱՄՆ նախագահ Դոնալդ Թրամփին։

«Հետևաբար, կարծում եմ, որ նրանք պարզապես սպասում են այն պահին, երբ կունենան համարձակություն հայտարարելու ավարտի մասին», - ասել է Լուլա դա Սիլվան։