Նիկոլ Փաշինյանը, Կիմ Չեն Ընն ու ևս 24 օտարերկրյա առաջնորդներ կմասնակցեն Չինաստանի հաղթանակի տոնակատարությանը

Չինաստանի ժողովրդի՝ ճապոնական ագրեսիայի դեմ դիմադրության պատերազմում և Չինաստանում Երկրորդ համաշխարհային պատերազմում տարած հաղթանակի 80-ամյակին նվիրված հիշատակի միջոցառումներին կմասնակցեն 26 օտարերկրյա առաջնորդներ, հաղորդում է  CCTV-ը։

Ինչպես նշում է հեռուստաալիքը, հյուրերի թվում կլինեն ՀՀ վարչապետ Նիկոլ Փաշինյանը, Ռուսաստանի նախագահ Վլադիմիր Պուտինը, ԿԺԴՀ առաջնորդ Կիմ Չեն Ընը, Իրանի նախագահ Մասուդ Փեզեշքիանը, Ադրբեջանի նախագահ Իլհամ Ալիևը, Բելառուսի, Ղազախստանի, Ուզբեկստանի, Տաջիկստանի, Ղրղզստանի, Թուրքմենստանի նախագահներ Ալեքսանդր Լուկաշենկոն, Կասիմ-Ժոմարտ Տոկաևը, Շավքաթ Միրզիյոևը, Էմոմալի Ռահմոնը, Սադիր Ջապարովը և Սերդար Բերդիմուհամեդովը, ինչպես նաև Սերբիայի նախագահ Ալեքսանդր Վուչիչը, Սլովակիայի վարչապետ Ռոբերտ Ֆիցոն և այլ քաղաքական գործիչներ։