Ընդդիմադիրները քարեր են նետել Արգենտինայի նախագահի ավտոշարասյան ուղղությամբ (տեսանյութ)
ՏեսանյութերԱրգենտինայի նախագահ Խավիեր Մայլիի ավտոշարասյան վրա քարեր են նետել, ինչի հետևանքով՝ պետության ղեկավարը շտապ տարհանվել է անվտանգության աշխատակիցների կողմից: Այս մասին հայտնել է TN հեռուստաալիքը։
Դեպքը տեղի է ունեցել, երբ Մայլին բաց տանիքով լիմուզինով անցնում էր Բուենոս Այրես նահանգի Լոմաս դե Սամորա քաղաքի փողոցներով: Նախագահը քրոջ՝ Կարինայի հետ միասին, այնտեղ է ժամանել իշխող կուսակցությունից խորհրդարանի պատգամավորի թեկնածուի նախընտրական քարոզարշավ անցկացնելու համար: Մայլիի քաղաքականությունից դժգոհ տեղի բնակիչները սկսել են քարեր և շշեր նետել նրա մեքենայի վրա: Քարերից մեկը թռել է նախագահի գլխից մի քանի սանտիմետր հեռավորության վրա: Բացի այդ՝ փողոցում բախումներ են սկսվել Մայլիի հակառակորդների և կողմնակիցների միջև: Անվտանգության աշխատակիցները ստիպված են եղել շտապ տարհանել պետության ղեկավարին։
Մայլիի ներկայացուցիչ Մանուել Ադորնին անկարգությունների համար մեղադրել է ընդդիմությանը, մասնավորապես՝ երկրի նախկին նախագահ Քրիստինա Ֆերնանդես դե Կիրշների կողմնակիցներին, և հայտարարել է, որ «կիրշներիզմը» պետք է վերացվի:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
