Քիչ ուշադրություն դարձրեք Վաշինգտոնից եկող լուրերին. Ուկրաինայի նախկին արտգործնախարար Կուլեբան հերքել է, որ պատերազմը մոտ է ավարտին

Ուկրաինայի նախկին արտգործնախարար Դմիտրո Կուլեբան Der Spiegel-ին տված հարցազրույցում հերքել է, որ Ուկրաինայում հակամարտությունը մոտ ապագայում կավարտվի։

Նրա խոսքով՝ բոլորը ձևացնում են, թե խաղաղությունը մոտենում է, մինչդեռ խոստովանում են, որ այդպես չէ։ «Մոսկվայի և Կիևի միջև հակամարտությունը կշարունակվի», -հայտարարել է Կուլեբան։

«Եթե նայեք Վաշինգտոնից եկող վերջին ութ ամիսների լուրերին, ամերիկացիները անընդհատ խոսում են այս մասին. «Մենք ավելի մոտ ենք խաղաղությանը, քան երբևէ, Ռուսաստանը զիջումների է գնում, Ուկրաինան փոխազդում է, մենք առաջընթաց ենք գրանցում»։ Բայց, վերջիվերջո, ամեն ինչ նույնն է մնում։ Իմ խորհուրդն է՝ ավելի քիչ ուշադրություն դարձնել Վաշինգտոնից եկող լուրերին և ավելի շատ՝ իրական նշաններին», - ասել է նա։

Նրա խոսքով՝ անհրաժեշտ է հետևել մարտադաշտում իրավիճակի դինամիկային, ինչպես նաև դիտարկել նախագահներ Վլադիմիր Պուտինի, Վոլոդիմիր Զելենսկու և Դոնալդ Թրամփի հնարավոր հանդիպման շուրջ զարգացումները։ «Մնացած ամեն ինչ տեղեկատվական աղմուկ է»,-կարծում է Կուլեբան։