Ովքեր են «Հյուսիսային հոսքերի» պայթեցման բոլոր կասկածյալները․ Die Zeit

Գերմանացի քննիչները պարզել են «Հյուսիսային հոսք-1» և «Հյուսիսային հոսք-2» գազատարները պայթեցրած բոլոր դիվերսանտների ինքնությունը: Այս մասին հայտնում է գերմանական Die Zeit պարբերականը։

Որոշ կասկածյալների հաջողվել է փախչել, մեկը ձերբակալվել է Իտալիայում։ Եվս մեկը համարվում է մահացած։ Հետաքննությունը պարզել է՝ գազատարների պայթեցմանը մասնակցել է «Անդրոմեդա» զբոսանավի անձնակազմի ազգությամբ ուկրաինացի յոթ անդամ՝ չորս ջրասուզակ, պայթուցիկների մասնագետ, նավապետ և համակարգող:

Մասնավորապես, Բացի Իտալիայում ավելի վաղ ձերբակալված համակարգող Սերգեյ Կուզնեցովից, խմբի մեջ են եղել սուզվելու հրահանգիչներ Վլադիմիր Ց.-ն և 40-ամյա Վալերիա Տ.-ն, ոմն Եվգենի Ու.-Ն և կապիտան Յուրի Տ.-ն: Թերթի տվյալներով՝ Ուկրաինայի վեց քաղաքացիների ձերբակալման օրդերներ են տրվել։ Նշվում է, որ 7-րդ կասկածյալ Վսեվոլոդ Կ.-ն զոհվել է 2024 թվականի դեկտեմբերին Ուկրաինայի արևելքում ռազմական գործողությունների ժամանակ։