Եթե բերքը քիչ էլ լինում՝ մեզ համար պրոբլեմ է, բերքը շատ է լինում՝ մեզ համար պրոբլեմ է․ Փաշինյան

Ընթացիկ տարում, ըստ էկոնոմիկայի նախարարության գնահատականների, առկա է շուրջ 7000 տոննա լոլիկի մթերման խնդիր։ Այս մասին կառավարության նիստին ասաց նախարար Գևորգ Պապոյանը` ներկայացնելով «2025 թվականի լոլիկի մթերումների գործընթացի կազմակերպման միջոցառումը հաստատելու մասին» նախագիծը։

Փաշինյանն իր հերթին արձագանքեց, որ կառավարության  ծլոլիկի առատ բերքը լավ է․ «Բայց նախկինում առիթ եմ ունեցել ասելու, որ եթե բերքը քիչ էլ լինում՝ մեզ համար պրոբլեմ է, բերքը շատ է լինում՝ մեզ համար պրոբլեմ է։ Եվ այդ պրոբլեմները պետք է փորձենք տրանսֆորմացնել ինչ–որ ավելի զարգացնող և ստեղծարար երևույթի»,– ասաց նա։

Փաշինյանը նաև նշեց, որ Հայաստանում մշակման արդյունավետության հետ կապված «խորը խնդիր» կա։