Ռուսաստանի դաշնակիցները վտանգված են․ Bloomberg

Իրավիճակին ծանոթ աղբյուրների խոսքով՝ Եվրամիությունը դիտարկում է լրացուցիչ պատժամիջոցներ սահմանելու հնարավորությունը, որպեսզի թույլ չտա երրորդ երկրներին օգնել Ռուսաստանին շրջանցել գործող պատժիչ միջոցները: Այս մասին հայտնում է Bloomberg-ը։

Նշվում է՝ դաշինքի երկրների ԱԳ նախարարներն այս շաբաթ հանդիպում կանցկացնեն Դանիայում և կքննարկեն ՌԴ-ի դեմ պատժամիջոցների նոր փաթեթի մանրամասները: ԵՄ-ն աշխատում է պատժամիջոցների 19-րդ փաթեթի վրա, որը հիմնականում կկենտրոնանա Ռուսաստանում գտնվող ուկրաինացի երեխաների խնդրի վրա:

Այս թեման մեծ հետաքրքրություն է առաջացրել ԱՄՆ նախագահ Դոնալդ Թրամփի մոտ Սպիտակ տանը եվրոպացի առաջնորդների հետ վերջին հանդիպման ժամանակ: