Թրամփը դժգոհ է․ WSJ

ԱՄՆ առաջնորդ Դոնալդ Թրամփը դժգոհ է մնացել ԱՄՆ բանակի 250-ամյակին նվիրված հունիսյան շքերթից, ուստի ԱՄՆ ռազմածովային ուժերը սկսել են նրա համար ավելի մեծ շքերթ պատրաստել: Այս մասին հայտնում է The Wall Street Journal-ը՝ հղում անելով իր աղբյուրներին:

«Վաշինգտոնում կայացած զորահանդեսից հետո Թրամփն օգնականներին հայտարարել է, որ հիասթափված է, ուստի ԱՄՆ ռազմածովային ուժերը փորձում են ավելի ընդգրկուն տոնակատարություն կազմակերպել այս աշնանը՝ հույս ունենալով վառ տեսարան ունենալ նավերի մասնակցությամբ», - պարբերականը փոխանցում է ամերիկյան վարչակազմի անանուն ներկայացուցիչների խոսքերը: