Գելենջիկում բռնկված անտառային հրդեհը տարածվում է

Գելենջիկի մոտակայքում բռնկված անտառային հրդեհը տարածվում է․ տարածքը մեծացել է մինչև 32 հեկտար։ Այս մասին իր Telegram ալիքում հայտնել է Կրասնոդարի երկրամասի նահանգապետ Վենիամին Կոնդրատևը։

«Ցավոք, ուժեղ քամիների պատճառով հրդեհի տարածքը մեծացել է մինչև 32 հեկտար», - գրել է նա։

Մարզի ղեկավարի խոսքով՝ գիշերվանից Արտակարգ իրավիճակների նախարարության և Կուբան-սպասի աշխատակիցները մարում են Գելենջիկի մոտակայքում բռնկված հրդեհը։ Այս պահին այնտեղ այրվում է չորս տարածք։